Mele Îzzettîn Ege hat binçavkirin  

2021-02-23 11:58:30


	 

	MÊRSÎN - Polîsan li Mêrsînê bi ser mala Serokê Komeleya Alimên Oldar a Êlihê yê berê Mele Îzzettîn Ege lê mavan bû de girtin û ew binçavkirin. 

	 

	Li navçeya Yenîşehîr a Mêrsînê polîsan vê sibehê bi ser mala Mele Îzzettîn Ege (65) yê Serokê Komeleya Alimên Oldar a Êlihê lê mêvan bû de girtin. Ege ji bo serdana xizmên xwe ji Êlihê çûye Mêrsînê. Polîsan bi awayên hemwext hem bi ser mala Mele Îzzettîn a Êlihê de û bi ser mala lê mêvan bû de girtin. Polîsan piştî lêgerîna li malê Mele Îzzettîn binçav kirin. 

	 

	Kurê wî Farûk Ege diyar kir ku polîsan bi gotina “em ê we biqedînin” gef li wan xwarin e û polîsan li ferdên malê dane. 

	 

	Hêceta binçavkirina Ege nehat zanîn û ew birin Miduriyeta Polîsan a Mêrsînê.