
‘Sêva Sor’ bi Efrînê dest pê kir, hedefa talî ku derê ye?

2018-01-23 10:46:03


	ENQERE – Serokomar Erdogan operasyona Efrînê wek “Sêva sor (Kizil Elma)” pênase kir û îşareta “Bîrdoziya Turaniyan” da. Nayê zanîn dê hedefa vê bîrdoziya bi Efrînê re dest pê kir &nbsp;biçe ku. Wekîle berê Abdulbakî Erdogmuş jî got: “Têkoşîna esasî ya Tirkiyeyê ne li dijî DAIŞ û Nusra ye. Li dijî kurdan e.”&nbsp;

	Êrîşên li dijî Efrînê bi tifaqa AKP, MHP û Partiya Vatan dest pê kir. Partiyên wek CHP, Îyî Partî û gelek partiyên din jî piştgiriya şerê li dijî Efrînê kir. Serokê Giştî yê AKP’ê û Serokomar Erdogan armanca talî ya êrîşên li dijî Efrînê aşkere kir. Erdogan têkildarî êrîşên li dijî Efrînê vê daxuyaniyê dabû: “Dibêjin ya ‘diçî ku?’ Em diçin Sêva Sor. Belê sêvek me ya sor heye. Vê yekê beriya mehekê jî min aşkere kiribû. Em ber bi wê hedefê ve diçin.”

	&nbsp;

	“Sêva Sor” ji aliyê Partiya Îşçî ve kiribû al û ev yek wek bîrdoziyek “Turanî” tê zanîn. Hedefa “Sêva Sor” Erdogan ku kir hedef wek polîtîkayek bîrdozî hat nîşandan. Lê êrîşên li dijî Efrînê tenê erdnîgariya kurdan re sînor namîne û xwe bi niyeta Osmantiyê radixe ber çavan.&nbsp;

	&nbsp;

	‘ME GOTINA SÊVA SOR BIHÎST, MA ÊDÎ EM ÇI BIHÎZIN’&nbsp;

	&nbsp;

	Prof. Baskin Oran diyar kir ku di vê mijarê gelek tiştên bên gotin tune ye û got: “Meseleya Efrînê ji bo polîtîkaya hundirîn tê kirin. Herî dawî me gotina ‘Sêva Sor’ jî bihîst ma bila êdî çi bibe.”

	&nbsp;

	'KURDAN DIKIN BAZARA HESABÊN XWE' &nbsp;

	&nbsp;

	Wekîlê ANAP’ê yê berê Abdulbakî Erdogmuş jî anî ziman ku êrîşên li dijî Efrînê nediyarbûna li herêmê kûr dike û got: “Bedela herî giran a vê ne diyariyê kurd didin.” Erdogmuş got ku hêzên serdest ji bo hesabên nû di nav bazariyê de ne û kurd div ê maseya bazariyê de wek meta tên dîtin.&nbsp;

	&nbsp;

	‘TIRKIYE NE LI DIJÎ DAIŞ’Ê Û NUSRA BI KURDAN RE ŞER DIKE’&nbsp;

	&nbsp;

	Erdogmuş da zanîn ku şerê li dijî kurdan tê meşandin bi tu awayî nayê qebûlkirin û wiha axivî: “Têkoşîna esasî ya Tirkiyeyê ne li dijî DAIŞ û Nusra ye. Li dijî kurdan e. Ev şer çiqas zerarê dide herêma me li ber çava ye. Xetere ew e ku statûya kurdan e. Ji bo pêşî li vê bigirin serî li her rêbazî didin.”&nbsp;

	&nbsp;

	‘RÛSYA HER TIM KURDAN BI TENÊ HIŞT’&nbsp;

	&nbsp;

	Erdogmuş destnîşan kir ku Ruysa tu demê li gel kurdan cih negirtiye û bi kurdan re nebûye tifaq û ji Mahabadê heta niha ev berdewam dike.&nbsp;

	&nbsp;

	MA / Kenan Kirkaya

	&nbsp;

	&nbsp;