
Parlementerên HDP'ê yê Şirnexê: Wê li Efrînê berxwedêr bi ser bikevin 

2018-01-23 09:16:17


	ŞIRNEX – Parlementerên HDP'ê yên Şirnexê Aycan Îrmez û Leyla Bîrlîk êrîşên li dijî Efrînê nirxandin û wiha gotin: "Wê navê tunekirina AKP'ê bibe Efrîn. Wê AKP têk biçe û wê li Efrînê kesên li ber xwe didin bi ser bikevin."&nbsp;

	Parlementerên HDP'ê yên Şirnexê Aycan Îrmez û Leyla Bîrlîk bertek nîşanî êrîşên Artêşa Tirk û komên OSO'yê yên li hemberî Efrînê dan. Parlementeran got ku hêzên dijminê hev, li hemberî kurdan bi hev du re êrîş dikin û divê gel li hemberî van êrîşan deng derxîne.&nbsp;

	&nbsp;

	Îrmez destnîşan kir ku armanca komên OSO yên êrîşî Efrînê dikin ne Sûriyeyeke azad û demokratîk e û ya ku tê kirin "tevgereke dagirkeriyê" ye. Îrmez anî ziman ku hêzên navnetewî ji bo berjewendiyên xwe, li hemberî van êrîşên li dijî kurdan xwe li bêdengiyê datînin û ev tişt gotin: "Di bin van êrîşan de rûxandina rêveberiya Esed û li wir avakirina welatekî bi feraseta AKP û DAIŞ'ê heye." Îrmez anî ziman ku dema mesele dibe kurd, hêzên dijminên hev jî bi hev re tev digerin û balê kişand ser sivîlên di êrîşan de jiyana xwe ji dest dane. Îrmez diyar kir ku çapemeniya hewzê tim dibêje li hemberî sivîlan êrîş tune ne û bi vî awayî hewl dide sûcên AKP'ê binixumîne.&nbsp;

	&nbsp;

	Îrmez destnîşan kir ku têkildarî mijarê peywireke mezin dikeve ser milê Neteweyên Yekbûyî (NY) û Yekîtiya Ewropayê (YE) û divê li hemberî vê êrîşa li dijî sûcên dermirovî yên li Efrînê pêk tên rawestiin û her kesê xwe wek demokrat, rewşenbîr, siyasetvan diwesifînin li hemberî van êrîşan bisekinin.&nbsp;

	&nbsp;

	‘WÊ AKP NIKARIBE BI RIHETÎ VEGERE'&nbsp;

	&nbsp;

	Parlementer Bîrlîk jî destnîşan kir ku bi van êrîşan re jiyana ji nû hatiye sazkirin hedef tê girtin û wiha domand: "Di hedefa êrîşan de, jiyana hevpar a hemû gelan heye. Li dijî ferasetên emperyalîst ên wehşî paradîgmayeke nû heye û ev hedef tê girtin. Êrîş li hemberî awayê rêveberiya demokratîk a bi pêşengiya jinan hatiye avakirin pêk tên." Bîrlîk diyar kir ku AKP dijminahiya kurdan dike û wiha axivî: "Ji ber polîtîkayên şerî yên AKP'ê, gel bedêla krîza aborî ya xwe dide der dide. Wê AKP têk biçe û wê li Efrînê yên gelên li ber xwe didin bi ser bikevin. Wê navê tunekirina AKP'ê bibe Efrîn. Wê AKP nikaribe wisa bi rihetî vegere."&nbsp;

	&nbsp;

	‘DIVÊ EM BIBIN DENGÊ BERXWEDÊRAN'&nbsp;

	&nbsp;

	Bîrlîk got ku li hemberî êrîşên li Efrînê tên kirin divê gotineke gelên Rojhilata Navîn hebe û wiha bang kir: "Wê bi vê qajqajokiya şerî Tirkiye û gelên Rojhilata Navîn nikaribin bimeşin. Divê her kes destekê bide vê berxwedanê. Bi taybetî jî divê kurdên li her çar perçeyan û cîhanê li ber xwe bidin, rê li ber mirina sivîlan bigirin û bibin dengê berxwedêran."&nbsp;

	&nbsp;