
Di paceyê de daxuyanî dan! 

2021-01-27 16:56:30


	ÇEWLIG – Rêxistina HDP’ê ya Çewligê xwest têkildarî greva birçîbûnê daxuyanî bide, lê polîsan destûr neda. HDP'ê di paceya avahiya xwe de daxuyanî xwend.&nbsp;

	&nbsp;

	Rêxistina HDP’ê ya Bajêr a Çewligê têkildarî kongreya xwe li avahiya xwe civîna gel li dar xist. HDP’ê piştî civînê derbarê çalakiyên greva birçîbûnê ya bi armanca dawîkirina tecrîda li ser Rêberê PKK’ê Abdullah Ocalan û binpêkirinên mafan ên li girtîgehan li ber avahiya xwe daxuyanî bide çapemeniyê. Polîsan di çarçoveya tevdîrên pandemiyê de destûr neda daxuyanî were dayîn.&nbsp;

	&nbsp;

	Li ser vê yekê HDP’ê di paceya avahiya xwe de daxuyanî xwend. Endama Meclîsa Şaredariya Çewligê ya HDP’yî Songul Barça daxuyanî da.&nbsp;

	&nbsp;

	‘GIRTÎ BI MERCÊN GIRAN RE RÛBIRÛ MANE’&nbsp;

	&nbsp;

	Barça destnîşan kir ku bi hezaran girtî bi mercên giran û nebaş û îşkenceyê re rûbirû mane û got: “Tecrîda li Îmraliyê belavî tevahiya welat bûye. Divê tecrîd demildest were bidawîkirin û şert û mercên girtiyan werin başkirin. Lazim e rewşa girtiyên nexweş li ber çava were girtin û werin berdan. Ji bo vê yekê jî em bang li Wezareta Dadê dikin ku bikeve tevgerê.”&nbsp;

	&nbsp;