
Cerdevanê îstîsmar kir bi cilê taxim derket pêşberî dadger

2018-01-17 17:49:43


	WAN - Li Wanê cerdevan Tekîn Gulaçtî yê îstîsmarê 3 xwişkên astengdarên mejî kir bi kincên taxim û krawetê beşdarî danişînê bû. Danişîna hat taloqkirin. Bavê zarokan A.Y. diyar kir ku îstîsmar li keçên wî hatin kirin ji Kanûna 2016’an ve tê zanîn û bertek nîşanî ne cezakirina bersûc da.&nbsp;

	4’emîn danişîna doza cerdevan Tekîn Gulaçtî yê 5 salan tecawizî 2 jê zarok 3 xwişkên astengdarên mejî yên li Wanê kirin, li 1’emîn Dadgeha Cezayê Giran a Wanê hat dîtin. Parêzerên Baroya Wanê, malbata zarokan, bersûc Gulaçti û parêzerê wê beşdarî danişînê bûn.&nbsp;

	Guleçtî bi kincên taxim û kravatê beşdarî dozê bû û li aliye bavê zarokan lê rûniştî mêze kir, dest û mile xwe lê hejand. &nbsp;

	&nbsp;

	RASTÎ RED KIR&nbsp;

	&nbsp;

	Piştî tespîta &nbsp;nasnameyan Gulaçtî parastin kir û îdîa kir ku rastî bêbextiyê hatiye. Dûre parêzerê bersûc parastin kir û wiha got: “Bêguman ev bûyera bi serê 3 zarokên astengdar hatî pir xemgîne. Lê hemû îfadeyên zarokan ne zelalin. Raste muwekîlê min li qereqolê behsa îstîsmarê kir, lê dibin zextan de ev yek qebûl kir.”&nbsp;

	&nbsp;

	BAVÊ ZAROKAN ÎSYAN KIR

	&nbsp;

	Şandeya dadgehê, ji bo kêmahiyên di dosyayê de bên temam kirin, doz taloqî 16’ê Adarê kir.&nbsp;

	&nbsp;

	Bavê zarokan A.Y. di derketina Eliyê de li dijî taloq kirina dosayayê îsyan kir û wiha got: “Bûyera îstîsmarê ji meha Kanûna 2016’an û vir ve tê zanîn, lê hîna bersûc nehatiye ceza kirin. Bi mehan em heman êşê dijîn. Ji ber xizaniyê em nikarin &nbsp;parêzeran bigirin. Gulaçti dest û milê xwe dihejîne &nbsp;û tê dadgehê. Em jî dinava &nbsp;qehra xwe de dimînin. Ma ev edalet e. Em edaletê dixwazin û bila edalet cihê xwe bibîne."&nbsp;

	&nbsp;