
Miduriyeta Polîsan qeydên guhdarkirina Karataş jê biriye 

2018-01-17 12:04:28


	AMED – Miduriyeta Polîsan a Amedê nivîs şand danişîna doza Nivîskarê Rojnameya Evrenselê Yusuf Karataş ê di çarçoveya lêpirsîna KCD’ê de tê darizandin û ragihand ku qeydên guhdarkirina lêpirsîna KCD’ê jê hatine birin.&nbsp;

	&nbsp;

	Nivîskarê Rojnameya Evrenselê Yusuf Karataş di 27’ê tîrmeha 2017’an de di çarçoveya lêpirsîna Kongreya Civaka Demokratîk (KCD) de hat girtin û li ser îtîrazê di 22’ê îlona 2017’an de jî hat berdan. Karataş bi îdiaya “Rêxistin avakiriye û birêve biriye” tê darizandin û ji 15 salan heta 22 sal û nîv ceza jê re tê xwestin. 2’yemîn danîşna doza Karataş li 9’emîn Dadgeha Cezayê Giran a Amedê hat dîtin. Karataş û parêzerên xwe beşdarî danişînê bûn. Miduriyeta Polîsan a Amedê nivîs şand danişînê. Miduriyetê destnîşan kir ku qeydên guhdarkirinê yên bi riya amûrên teknîkî ku di çarçoveya lêpirsîna KCD’ê de îmha bûne û mînakek ji vê dengê hatine qeydkirin di 2’ê sibata 2014’an de radestî Serdozgeriya Komarê ya Amedê kirine.&nbsp;

	&nbsp;

	Pişt re dozger mutala xwe da. Dozger xwest qeydên axaftina Karataş bên komkirin û bişînin Miduriyeta Polîsan a Amedê. Dozger xwest şertê kontrola adlî ya der barê Karataş de dewam bike.&nbsp;

	&nbsp;

	Pişt re Karataş axivî û parastina xwe ya berê dubare kir û xwest şertê kontrola adlî ji ser wî bê rakirin. Parêzerên Karataş jî xwestin şertên kontrola adlî ya miwekîlê wan bê rakirin.&nbsp;

	&nbsp;

	Heyeta dadgehê biryara xwe ya navberê aşkere kir. Heyetê xwest mînakên qeydên deng ji bo bên rûbirûkirin bişînin ATK’ê û qeydên axaftinê yên hatine guhdarkirin bikin tape û ji bo bişînin Miduriyeta Polîsan a Amedê biryar nivîs bişînin Serdozgeriya Komarê ya Amedê. Her wiha heyetê daxwaza rakirina şertê kontrola adlî û qedexeya derketina derveyî welat a li ser Karataş jî red kir.&nbsp;

	&nbsp;

	Bi boneya kêmasiyên dosyeyê bên temamkirin dozê taloqî 30’ê gulanê kir.&nbsp;

	&nbsp;

	&nbsp;