
Dadgehê cezayê giran li 8 kesan birî

2020-11-24 15:41:37


	MÊRDÎN – Dadgehê cezayê giran li 8 welatiyên di serdema qedexeya derketina derve ya li Dêrikê de hatibûn girtin birî.&nbsp;

	&nbsp;

	Li navçeya Dêrikê ya Mêrdînê di mijdar û kanûna 2015’an de qedexeya derketina derve hatibû ragihandin. Di dema qedexeyê de 8 siyasetmedarên kurd hatibûn girt. Danişîna biryarê ya doza van siyasetmedaran li Dadgeha Cezayê Giran a Mêrdînê hat lidarxistin. Girtî ji girtîgehê lê girtîbûn bi rêya dîmen û deng (SEGBÎS) beşdarî danişînê bûn. Parêzerên wan li danişînê amade bûn. Dozger biryara xwe eşkere kir xwest siyasetmedarên kurd werin cezakirin.&nbsp;

	&nbsp;

	Dadgehê ji îdiaya “endamtiya rêxistinê” 12 sal ceza li Aladîn Ecer birî, bi îdiaya “endamtiya rêxistinê” 10 sal û 6 meh û bi îdiaya “propagandaya rêxistinê” salek û 6 meh ceza da Gebar Denlî, bi îdiaya “endamtiya rêxistinê” 12 sal ceza li Suphi Soylemez birî.&nbsp;

	&nbsp;

	Dadgehê her wiha bi îdiayên “dabeşkirina dewletê” cezayên heta hetayê yên giran li Bariş Aksin, Dogan Ozbahçecî, Firat Ozdemîr, Mehmet Ejder Tûr û Serhat Dûrsûn birî.&nbsp;

	&nbsp;

	Dadgehê xwest her 8 kes jî girtî bimînin.&nbsp;

	&nbsp;