
Komîsyona Penaber û Koçberan a HDP’ê: Em ê bibin dengê Z.M. a îranî

2020-11-23 12:42:57


	ENQERE – HDP’ê diyar kir ku wê danişîna hêzên ewlehiyê ku li Navenda Vegerînê ya Wanê dest dirêjî Z.M. a îranî kiribûn bişopînin û got ku ji dewletê gilîker in.

	&nbsp;

	Hevberdevkên Komîsyona Penaber û Koçberan a HDP’ê Gulsum Agaoglû û Velî Saçilik, derbarê destdirêjiya ku li Navenda Vegerînê ya Wanê li Z.M. a ji Îranê hatibû Tirkiyeyê hatibû kirin daxuyaniyeke niviskî weşandin.&nbsp;

	&nbsp;

	Di daxuyaniyê de hat destnîşankirin ku piştî Z.M. ji Îranê derbasî Tirkiyeyê bûye li Otogara Wanê hatiye binçavkirin, destpêkê wê polis wê dibin Miduriyeta Polisan a Wanê û piştre jî dibin Navenda Vegerînê ya Wanê û li vir gelek caran hêzên ewlehiyê dest dirêjî wê dikin.&nbsp;

	&nbsp;

	Di berdewama daxuyaniyê de hat destnîşan kirin ku danişîna doza ku piştî giliya Z.M. li tecawizkarên wê hatiye vekirin dê di 26’ê mijdarê de li Edliya Wanê bê dîtin û wê danişînê bişopînin û ji dewletê bibin gilîker.&nbsp;

	&nbsp;