
Ji bo piştevaniya HDP’ê daketin qadan 

2020-09-26 14:42:51


	NAVENDA NÛÇEYAN – Gelek sazî û dezgehan oprasyona li dijî HDP’ê wek “êrişên tolhildanê” yên AKP’ê nirxandin û gotin “Emê li dijî van operasyonên sexte hin bêtir bi hêz bibin.”&nbsp;

	&nbsp;

	Li ser fermana Serdozgeriya Komarê ya Enqereyê duh di operasyona li 5 bajaran de 20 rêveberên HDP’ê yên berê û yên niha hatin binçavkirin. Bertekên li dijî binçavkirina rêveberên HDP’ê û peyamên piştevaniya bo HDP’ê berdewam dikin.&nbsp;

	&nbsp;

	Li navçeya Farqînê ya Amedê Rêxistina HDP’ê ya Navçeyê li ber avahiya xwe daxuyanî da çapemeniyê û binçavkirin şermezar kir. Hevserokê HDP’a Farqînê Kenan Kaydû diyar kir ku AKP bi van zext û fişarên xwe dixwaze tolê ji HDP’ê hilîne û wê ev êriş nikaribin HDP’ê lawaz û bêzar bikin. Kaydû anî ziman ku beriya niha bi demekê HDP’ê di Deklerasyona Aştiyê de bersiva li dijî van êrişan dabû û got: “Wê ev operasyonên sexte nikaribin me ji biryara me paş ve bidin, em hin bêtir bi hêz dibin.”&nbsp;

	&nbsp;

	MÊRDÎN

	&nbsp;

	Aktîvîstên Tevgera Jinên Azad (TJA) ên Mêrdînê jî li avahiya Rêxistina HDP’ê ya Mêrdînê daxuyanî dan û operasyon şermezar kirin. Hevseroka Rêxistina HDP’ê y Nisêbînê Hêvîdar Dînç daxuyanî da û da zanîn ku ev operasyon dewama operasyonên serdemên berê ne û ew ê li dijî faşîzmê bêrawestan têbikoşin.&nbsp;

	&nbsp;

	ŞIRNEX&nbsp;

	&nbsp;

	Aktîvîstên Tevgera Jinên Azad (TJA) li navçeya Silopiya Şirnexê jî li avahiya HDP’ê daxuyanî dan û binçavkirina HDP’iyan protesto kirin. Gelek jin û Dayikên Aştiyê beşdarî daxuyaniyê bûn. Aktîvîsta TJA’yê Zozan Aksû daxuyanî da û destnîşan kir ku ew ê li dijî van operasyonên qirkirina siyasî paş ve gav neavêjin û ew ê li dijî van operasyonên êrişkar ên AKP’ê û faşîzm û zayendperest kêliyêk dê her dem têkoşîna xwe bidomînin. Aksû got ew ê li her deverê têkoşîna xwe mezin bikin û rêxistina xwe xurt bikin û xwe biparêzin.&nbsp;

	&nbsp;

	Piştî daxuyaniyê jinan kêliyek çalakiya rûniştinê li dar xist û dirûşm berz kirin.&nbsp;

	&nbsp;

	WAN

	&nbsp;

	Platforma Şaxan a Konfederasyona Sendîkaya Kedkarên Cemaweriyê (KESK) a Wanê jî operasyona li dijî HDP’ê şermezar kir. KESK’ê li avahiya xwe daxuyanî da û gelek rêveber û endamên wan beşdar bûn. Berdevkê Platforma KESK’ê Seyfettîn Îtah daxuyanî da û diyar kir ku ji bilî têkoşîna bi hev re tu vebijêrkek li pêşiya wan nemaye û banga têkoşîna bi hev re ya li dijî operasyonan kir û tê xwestin HDP’ê krîmînalîze bikin. Îtah got ew binçavkirinan şermezar dikin û ew ê li dijî van êrişan têkoşîna xwe mezintir bikin.&nbsp;

	&nbsp;

	&nbsp;

	&nbsp;