
Doza rehîbê sûryanî Bîleçen hat taloqkirin 

2020-09-25 12:00:00


	MÊRDÎN – Danişîna duyemîn a doza rehîbê Dêra Mor Yakûp Sefer Bîleçen hat lidarxistin. Doz hat taloqkirin.&nbsp;

	Rehîbê Dêra Mor Yakûp a li Nisêbînê Sefer (Aho) Bîleçen di 10’ê çile de li navçeya Nisêbînê ya Mêrdînê hatibû binçavkirin û girtin. Bîleçen di 14’ê çile de hatibû berdan. Danişîna duyemîn a doza Bîleçen ku bi îdiaya “endamê rêxistinê” negirtî tê darizandin li 4’emîn Dadgeha Cezayê Giran a Mêrdînê hat lidarxistin. Bîleçen û parêzerê xwe û komek welatiyên sûryanî beşdarî danişînê bûn. Serokê dadgehê destûr neda rojnamevan danişînê bişopînin.&nbsp;

	&nbsp;

	Bîleçen di parastina xwe de diyar kir ku tu têkiliya wî bi rêxistinekê re nîne û wî li gorî baweriya xwe xwarin daye wan kesên hatine cem wî. Bîleçen xwest were beratkirin.

	&nbsp;

	Parêzerê Bîleçen jî got ew îdiayan qebûl nakin û xwest miwekîlê wî were beratkirin.&nbsp;

	&nbsp;

	Dadgehê danişînê taloqî 3’ê mijdarê kir.&nbsp;

	&nbsp;