Wê Birca Keçikê di nava 6 mehan de bê vekirin 

2020-09-24 09:17:52


	AMED - Birca Keçikê bi salan ji aliyê polîsan ve dihat bikaranîn. Lê belê piştî demekê ket destê DTSO'yê. DTSO, niha hewl dide wê bike Navenda Çand û Hunerê. DTSO'yê dest bi xebatên restorasyonê kir û hewl dide di nava 6 mehan de biqedîne. 

	Piştî di Kanûna 2015'an de li navçeya Sûr a Amedê qedexeya derketina derve hatibû ragihandin, polîsan dest danîbû ser Birca Keçikê. Lê piştî salan Odeya Bazirganî û Pîşesaziyê ya Amedê (DTSO) Birca Keçikê dewr girt, hewl dide ku wê veguherîne Navenda Çand û Hunerê. DTSO, ji bo restorasyona Birca Keçikê projeyek amade kiriye û ji bo vê projeyê jî milyona û 200 hezar TL hîbe wergirtiye. PIştî piştgiriyê li bircê dest bi xebatên restorasyonê kirin. 

	 

	Wê di çaçroveya projeyê de jêra bircê wekî hêwan, pêşangeh û fûaye bê bikaranîn. Wê ser bircê wekî terasa vekirî û pêşiya wê jî wekî holeke biçûk bê bikaranîn. Wê li meydanê berên xwecihî yên jinan bên firotin. Her wiha erebokên livok ên firotinê jî li holê bin û wê deverên ji bo vehesandinê jî bên hebin. 

	 

	Her wiha piştî xebatên restorasyonê dest pê kirin noqteya polîsan a nêzî Deriyê Mêrdînê jî hat rakirin. 

	 

	RÛXANDIN TÊ RESTOREKIRIN 

	 

	Serokê Komîsyona Fûar û Markebûnê ya DTSO'yê Mehmet Alî Denîz, diyar kir ku birca mîrateyeke cîhanê ye û got, ev mîrate nêzî 5 sal in girtiye. Denîz, bilêv kir ku cihê ku berê polîsan wekî tualetê bi kar dianî û texrîbata li jêra bircê tên çêkirin û got, wê cardin bircê bikin cihê turîzmê. 

	 

	Denîz, anî ziman ku wê li vê derê çalakiyên şano û sînemayê bên lidarxistin û got, armanca wan ew e ku di nava 6 mehan de vebikin. 

	 

	MA / Fethî Balaman