
Cenazeyê Gencer hat girtin: Xizmên wî bawer nakin întîhar kiriye 

2020-09-23 15:52:26


	&nbsp;

	WAN - Cenazeyê Sînan Gencer ê hat îdîakirin ku li Girtîgeha Sergirtî ya Ewlekariya Bilind a Wanê întîhar kir, ji nexweşxanê hat girtin. Xizmên Gencer, diyar kirin ku ew bawer nakin wî întîhar kiriye.&nbsp;

	&nbsp;

	Girtiyê siyasî Sînan Gencer ê li Girtîgeha Sergirtî ya Ewlekariya Bilind a Wanê girtîbû, hatibû îdîakirina ku serê vê sibê întîhar kiriye. Karê otopsiya Gencer a li Navenda Tîpa Edlî ya Dûrsûn Odabaşi ya Zanîngeha Sedsalê bi dawî bû. Cenazeyê Gencer ji aliyê malbatê ve hat girtin. Malbat wê cenazeyê kurê xwe li Taxa Suphan bispêre axê.&nbsp;

	&nbsp;

	ÎDÎAYA ÎNTÎHARÊ

	&nbsp;

	Dotmama Gencer Zeynep Gencer, derbarê bûyerê de axivî û wiha got: “Dun bi şev li me geriyan û ji me re gotin întîhar kiriye. Nameyek li dû xwe ji bo me hiştiye. Lê me name nedît. Sînan her tim em dilxweş dikirin. Ji me re digot, wê ji girtîgehê derbikevê û ewê rojên xweş bijîn. Em bawer nakin ku întîhar kiriye. Em difikirin ku me dixapînin. Sînan ketibû greva birçîbûnê. Heya niha tu pirsgirêk tune bû.”

	&nbsp;

	Gencer ê li Maçkaya Trabzonê di şerekê de bi bîrîndarî hatibû binçavkirin û girtin, du caran cezayê muebetê lê hatibû birîn. Gencer nêzî 15 salan girtî bû û ev 2 sal bûn di hucreya yek kesî de dihat girtin.&nbsp;

	&nbsp;

	&nbsp;