
Li Dîlokê 11 rojin agahî ji 2 keçên Sûriyeyî nayê girtin

2020-09-22 16:30:28


	&nbsp;

	DÎLOK - Du zarokên keç ên Sûriyeyî Hadîce Huseyîn û Esra Huyseyîn 11 rojin gahî ji wan nayê girtin. Malbata her du zarokan ku ji polîsan tu encam bi dest nexist, daxwaza alîkariyê kir.&nbsp;

	&nbsp;

	Li navçeya Şahînbey a Dîlokê, du dutmanên hev Hadîce Huseyîn a 17 salî ya li taxa Esentepe bi malbata xwe re dijî û Esra Huseyîn a 15 salî ya li taxa Beybehçeyê dijî yên ji Sûriyeyê 11 rojan agahî ji wan nayê girtin. Malbatên zarokên ji malê derketin û carek din ji wan agahî nehat girtin serî li polîsan dan. Malbatên ku ji polîsan tu encamek negirtin serî li Şaxa Komeleya Mafê Mirovan (ÎHD) ya Dîlokê dan û daxwaza alîkariyê kirin.&nbsp;

	&nbsp;

	Şaxa ÎHD’ê ya Dîlokê, dûre bi malbatên zarokên wan winda bûn re, li Oarka Yeşîlsu ya girêdayî navçeya Şahînbeyê daxuyanî da çapemeniyê. Hevserokê ÎHD’ê Selman Yargîn daxuyanî da û wiha got: “Li Dîlokê, ligel kamerayên mobesê jî ev 11 rojin 2 zarok nayên dîtin. Ji bo dîtîna her du zarokan, divê xebateke lêgerînê ya bi bandor bê birêve birin.”

	&nbsp;

	MALBATAN: ALÎKARIYÊ BIDIN ME&nbsp;

	&nbsp;

	Dûre dayika Hadîce Huseyîn Behiye Hasan axivî û ji bo keça xwe ya winda daxwaza alîkariyê kir. Dayik Behiye Hasan, diyar kir ku keça wê 11 rojin windaye û wiha got: “Kes êşa min nizane. Alîkariya me bikin. Em perîşan bûne.”

	&nbsp;

	Dayika Esra Huseyîn Selva Huseyîn jî banga alîkariyê kir û xwest keça wê tavilê bê dîtin.

	&nbsp;