
Bijîjkên Nexweşxaneya Leşkerî: Rewşa Şiban a gotin dayînê tuneye

2020-09-22 15:29:53


	WAN – Osman Şiban ku saetên serê sibejê bi biryara dozgeriyê bi zorê ji mala xwe hat girtin û sewqî nexweşxaneyê hat kirin, piştî hat fêmkirin nikare gotin bide, careke din kirin tedawiyê. Parêzerên Şiban, ji bo ku tedawiya Şiban li nexweşxaneya dewletê bê kirin, serlêdan kirin.&nbsp;

	&nbsp;&nbsp;

	Di 11’ê îlonê de leşkerên ku li navçeya Şaxê ya Wanê derketibûn operasyonê welatiyên bi navê Osman Şiban û Servet Tûrgût binçav kiribûn û heta 2 rojan agahî ji wan nehatibû girtin. Piştî 2 rojan derketibû holê ku li beşa lênêrîna awarte ya nexweşxaneyekê tên tedawîkiri û bi rapora nexweşxaneyê hat piştrastkirin ku ji helîkopterê hatine avêtin.&nbsp;

	&nbsp;

	RAPORA REWŞA ŞIBAN

	&nbsp;

	Şiban ku tabûrcî bûbû û çûbû mala xwe îro, serê sibehê bi biryara dozgeriyê bi zorê ji mala xwe hat girtin û sewqî nexweşxaneya leşkerî hat kirin. Dozgeriyê ji nexweşxaneyê rapora ku Şiban dikare gotin bide xwest. Li ser mieyna ku li nexweşxaneyê hat kirin, hat diyarkirin ku rewşa Şiban a ku gotin bide tuneye.&nbsp;

	&nbsp;

	PARÊZERAN SERLÊDAN KIR

	&nbsp;

	Li ser rapora derbarê wî de ya li nexweşxaneya leşkerî &nbsp;kuji dozgeriyê re hat şandin, Şiban careke din kirin tedawiyê. Parêzerên malbata Şiban, serlêdan kirin ku Şiban ne li nexweşxaneya leşkerî li nexweşxaneya dewletê bê tedawîkirin.&nbsp;

	&nbsp;