
Siyasetmedarê 65 salî bi hêceta “pergala cemaweriyê’ nehat berdan 

2020-09-21 15:12:08


	&nbsp;

	AMED – Siyasetmedar Celal Yoldaş ê 65 salî bi hêceta “parastina pergala cemaweriyê” nehat berdan.

	&nbsp;

	Siyasetmedar Celal Yoldaş di çarçoveya lêpirsîna li dijî Komeleya Jinan a Rosa hat girtin û tê darizandin îro derket pêşberî dadger. Danişîna ewil a doza Yoldaş bi îdiaya “endamê rêxistinê ye” lê hatiye vekirin li 9’emîn Dadgeha Cezayê Giran a Amedê hat lidarxistin. Yoldaş bi rêya deng û dîmen (SEGBÎS) ji Girtîgeha Tîpa D a Amedê beşdarî danişînê bû û parêzerên wî Mehdî Ozdemîr û Cemîle Turhalli di danişînê de amade bûn.&nbsp;

	&nbsp;

	Hevseroka Giştî ya DBP’ê Salîha Aydenîz û rêveberên DBP’ê doz şopandn.&nbsp;

	&nbsp;

	ÇALAKIYÊ BEŞDAR BÛYE YASAYÎ BÛNE&nbsp;

	&nbsp;

	Yoldaş parastina xwe bi kurdî kir û got çalakiyên ew beşdar bûye hemû bi destûra yasayî hatine lidarxitsin û sûcên li ser xwe red kir û xwest were berdan.&nbsp;

	&nbsp;

	Dozger xwest şahidê nepen were guhdarkirin û bi hêceta revê û veşartinê dewama girtina Yoldaş da.&nbsp;

	&nbsp;

	Parêzerên Yoldaş jî parastina miwekîlê xwe krin û xwestin miwekîlê wan temenê wî 65 salî ye were berdan.&nbsp;

	&nbsp;

	Şandeya dadgehê bi hêceta “parastina pergala cemaweriyê” berneda û biryara dewama girtinê da û danişînê &nbsp;taloqî 2’yê kanûnê kir.&nbsp;

	&nbsp;

	&nbsp;