
Jinan derbarê Diyanetê de serlêdana sûc kirin

2018-01-05 14:28:47


	&nbsp;

	STENBOL &nbsp;Piştevaniya &nbsp;Jinan a Nar, derbarê daxuyaniya Wezareta Karê Diyanetê ya îstîsmara zaroka meşrû dike serlêdana sûc kir. Jinên li Antalyayê jî, têkildarî mijarê daxuyanî da û gotin: “Diyaneta îstîsmarci bi ‘Qerarnameya Hukmê Jinê’ hatiye girtin. Êdî ji bo jinan tuneye.”

	&nbsp;

	Bertekên jinan ên li dijî daxuyaniya Wezareta Karê Diyanetê ya "Zarokên balix bûyî dikarin bizewicin" a di malpera xwe de weşand û pêşî li îstîsmar zayendî ya zarok û jinan vedike mezin dibin. Aktîvîstên Piştevaniya Jinan a Nar a Stenbolê, derbarê Wezareta Karê Dîyanetê de li Edliya Çaglayanê serlêdana sûc kirin.&nbsp;

	&nbsp;

	Berî serlêdana sûc jinan li ber avahiya Edliyê daxuyanî dan çapemeniyê. Aktîvîsta Piştevaniyê Denîz Bakti daxuyanî da û wiha got: “Wezareta Karê Diyanetê bi fetwa û daxuyaniyên dayîn de, dijminantiya jin û zarokan kiriye û îstîsmara zarokan meşrû kiriye. Bi butçeya mezin a digire re êrîşê jiyan û pêşeroja me dike. Ji ber vê yekê em dibêjin bila ev sazî bê girtin.” Jinan piştî daxuyaniyê daxwaznameyên xwe yên serlêdana sûc teslîmê Serdozgeriya Komarê ya &nbsp;Stenbolê kirin.

	&nbsp;

	ANTALYA

	&nbsp;

	Endamên Platforma Jinan a Antalyayê jî, li Şaxa Halkevî civîna çapemeniyê lidar xistin û xwestin Diyanet bê girtin. Gelek jin beşdarî civîna çapemeniyê bûn û li ser navê jinan Nîgar Duru axivî. Duru, diyar kir ku daxuyaniyên AKP û Diyanetê êrîşa li ser benda jin û zarokan. Duru, anî ziman ku ew ê li dijî polîtîkayên paşvero yên AKP’ê yên dijminê jinê têkoşîna xwe bilindtir bikin û mafê jinan biparêzin. &nbsp;&nbsp;

	&nbsp;

	Duru, da zanîn di nêrîna jinê de êdî Diyanet hatiye girtin û wiha bi dawî kir: “Em dixwazin Diyaneta ku îstîsmara zarokan meşrû dike demildest bê girtin.”

	&nbsp;