
Kujerê Karaman dîsa negirtinDayika Karaman: Hûn her roj me qetil dikin 

2020-07-06 12:11:50


	ENQERE - Danişîna doza kujer Dr. Ozgur Tarhan ê teknîkera Anestezî Ayşe Karaman kuşt, li 5'emîn Dadgeha Cezayên Giran a Enqereyê pêk hat. Dadgehê dîsa kujerê Ayşe Karaman, Ozgur Tarhan negirt. Dayika Ayşe Karaman &nbsp;Feride Karaman bertek nişan da û got: "Her roja kujer serbest tê darizandin her roj hûn me qetil dikin."&nbsp;

	&nbsp;

	6'emîn danişîna doza Dr. Ozgur Tarhan ê teknîkera Anestezî Ayşe Karaman kuşt, li 5'emîn Dadgeha Cezayên Giran a Enqereyê pêk hat. Dozger der barê Dr. Ozgur Tarhan de bi îdeaya “Bi zanebûn kuştiye" doz vekir û îro dîsa hat darizandin. Bersûc Ozgur Tarhan ku serbest tê darizandin jî bi betlê xwe tev li danişinê bû. Di danişîna dozê de Malbata Karaman û parêzerê malbatê jî amade bûn. Heyeta dadgehê bersûc Tarhan di danişîna 4'emîn de bi sedema “Şika ku delîlan veşêre tune" serbest berdabû. Tevlêbûna Tarhan a bi taqimê betl ku mêraniyê nîşan dide bal kişand ser xwe. Parêzerê Ayşe Karaman Tolga Beyendi, di danişînê de xwest bersûc bê girtin û girtî bê darizandin. Parêzerê bersûc jî gotin "Biryar ya dadgehê ye" Heyeta dadgehê jî piştî navberê biryar da ku Kujerê Karaman Ozgur Tarhan dîsa serbest bê darizandin.&nbsp;

	&nbsp;

	DAYIK KARAMAN: EM QET DEST JI VÊ DOZÊ BERNADIN

	&nbsp;

	Dayika Ayşe Karaman Feride Karaman jî bertek nîşanî biryara dadgehê da û got: “Du telefonên bersûc hebûn. Herdu telefon jî piştre teslîmî bersûc kirin. Em çiqas bawerin ku delîl kom kirine. Em vê yekê ji edalet û wîcdanê we re dihêlin. Dema min kujerê keça xwe dît, min 2 rojan xwarin nexwar. Min bawer nedikir ku edalet wisa be. Ez tu carî dest ji vê dozê bernadim. Em heq û edaletê dixwazin. Her ku der barê bersûc de biryara serbest berdanê tê dayîn em carek din tên kuştin. Em her roj tên kuştin.&nbsp;

	&nbsp;

	&nbsp;

	Heyeta dadgehê dîsa biryara berdewama berdana bersûc da û bersûc dîsa dê serbest bê darizandin. Heyetê doz taloqî 9'ê Tîrmehê kir.&nbsp;

	&nbsp;