
2017 bû sala polîs bi maşîneyên zirxî mirovan bikujin 

2017-12-30 12:10:35


	NAVENDA NÛÇEYAN - Di 2017'an de welatiyên ji aliyê polîs û leşkeran ve 34 bûyerên kuştinê yên bi maşîneyên zirxî pêk hatin. Herî dawî polîsan di 17'ê Kanûnê de li Hezexê zarokê 4 salî Umut O li Hezexê birîndar kir û di 29'ê Kanûnê de jî li Amedê zarokê 5 salî Ferhat Dalkiliç kuştin.&nbsp;

	Di 2017’an de herî zêde kuştinên welatiyan sivîl ên polîsan bi maşîneyên zixrî kuştin derketin pêş. Gelek welalatî jî bi guleyên polîsan hatin kuştin. Di salekêde polîsan bi maşîneyên zirxî 6 jê zarok 22 welatî kuştin û wekî qeza nîşan dan. Polîsan di bûyeran de 21 welatî bi maşîneyên zirxî birîndar kirin. &nbsp;Di serdegirtina malan û gulebaranê de jî polîsan 11 welatî kuştin û welatiyek jî birîndar kirin.&nbsp;

	&nbsp;

	Di sala 2017’an de bûyerên ku ji aliyê polîsan ve pêk hatin wiha ne:&nbsp;

	&nbsp;

	* Di 9’ê Sibata 2017’an de li Kerborana Mêrdînê xwendekara dibistana seretayî Berfîn Dîlek a 7 salî dema ji dibistanê diçû malê, polîsan bi wesayîta zirxî lê xist û ew kuşt.&nbsp;

	&nbsp;

	* Di 15’ê Sibata 2017’an de li Taxa Şabaniye ya Artemêtana Wanê polisan bi wesayîta zirxî li mînîbusa rêwiyan qeliband. Di mînîbusê de 7 kes birîndar bûn.&nbsp;

	&nbsp;

	* Di 16’ê Sibata 2017’an de li Esenyûrta Stenbolê xwendekarê lîseyê Omer Bariş Topkara (16) ê ji berî îdiaya diziye hatibû binçavkirin, di venêrîna tenduristiyê de kifş bû ku guleya ji serî wî derketiye ya polîsekî ye. 11 sal û 8 meh cezayê girtîgehê li polîsê ku Topkara kuşt hat birin.&nbsp;

	&nbsp;

	* Di 4’ê Adara 2017’an de li noqteya venêrînê ya li ser riya Sêrt-Êlihê polîsan bi wesayîta zirxî Kerem Arslan (34) eciqand û kuştin.&nbsp;

	&nbsp;

	* Di 20’ê Adara 2017’an de maşineya zirxî ya li maşineya sivîl a ji navçeya Hezexê diçû Cizîrê qeliband. Di bûyerê de Okan Înce, Bahadir Beyazlioglû û kesekî navê wî nehat zanîn jiyana xwe ji dest dan.&nbsp;

	&nbsp;

	* Di 21’ê Adara 2017’an de xwendekarê zanîngehê Kemal Kûrkût ku ji bo pîrozbahiya Newrozê ji Meletiyê hat Amedê, ji aliyê polîsan ve hat kuştin.&nbsp;

	&nbsp;

	* Di 29’ê Adara 2017’an de li semta Ofîsê ya Amedê polîsan bi wesayîta zirxî li mînîbusa rêwiyan a li rawestgehê qeliband û 4 kes birîndar kirin.&nbsp;

	&nbsp;

	* Di 14’ê Nîsana 2017’an de li Sûltangaziya Stenbolê bi hinceta “guh nedaye hişyariya raweste” polîsan wesayîtek gulebaran kir. Di gulebaranê de ji 3 kesên di wesayîtê de Oguzhan Erkul (17) û Bariş Kerem (18) jiyana xwe ji dest dan.&nbsp;

	&nbsp;

	* Di 18’ê Nîsana 2017’an de li navenda Wanê polîsan bi maşînaya zirxî li du kesan qeliband. Ji van kesan Abdûlvahap Taş bi giranî birîndar bû.&nbsp;

	&nbsp;

	* Di 27’ê Nîsana 2017’an de li Kolana Gevran a Amedê polîsan bi wesayîta zirxî li Hatûn Elhuman a 55 salî qeliband û kuşt.&nbsp;

	&nbsp;

	* Di 28’ê Nîsana 2017’an de li Wanê wesayîta zirxî ya polîsan li du kesan qeliband. Ji van kesan Samî Ûçan li nexweşxaneyê jiyana xwe ji dest da.&nbsp;

	&nbsp;

	* Di 4’ê Gulana 2017’an de li navçeya Silopiya ya Şirnexê polîsan bi wesayîta zirxî li malekê qeliband û di malê de zarokên birayên hev Muhammed û Fûrkan Yildirim ên di xew de kuştin.

	&nbsp;

	* Di 21’ê Gulana 2017’an de li navçeya navendî Yildirim a Bûrsayê di navbera polîsên li herêmê venêhartin dikirin û Mert Akarê 19 salî bi guleya polîsan hat kuştin. &nbsp;

	&nbsp;

	* Di 9’ê Hezîrana 2017’an de li ser Kolana Midyadê ya Nisêbîna Mêrdînê wesayîta zirxî ya polîsan li motorsikletekê qeliband. Di bûyerç de zarokê bi navê M.S.B. (17) bi giranî birîndar bû.&nbsp;

	&nbsp;

	* Di 14’ê Hezîrana 2017’an de li navçeya Liceyê ya Amedê wesayîta zirxî ya polîsan li Pakîze Hazar a 85 salî qeliband û Hazar li cihê bûyerê jiyana xwe ji dest da.&nbsp;

	&nbsp;

	* Di 19’ê Hezîrana 2017’an de li ser riya Çewlig-Amedê wesayîta zirxî ya polîsan li mînîbuseke rêwiyan qeliband. Di bûyerê de ajokarê mînîbusê Remzî Menteşe û zarokekî 8-10 salî yê navê wî nehat zanîn jiyana xwe ji dest da.&nbsp;

	&nbsp;

	* Di 20’ê Hezîrana 2017’an de li navçeya Bêşebab a Şirnexê wesayîta zirxî li wesayîteke ku ji hember dihat qeiliband û di bûyerê de 3 welatî birîndar bûn.&nbsp;

	&nbsp;

	* Di 20’ê Hezîrana 2017’an de li Deşta Fîsê ya Liceya Amedê wesayîta zirxî li wesayîteke sivîl qeliband û di bûyerê de 5 welatî jiyana xwe ji dest dan.&nbsp;

	&nbsp;

	* Di 25’ê Hezîrana 2017’an de li Taxa Selîmbey a navçeya navendî ya Riya Armûşê ya Wanê Bîrol Ozkesîcî û kesekî ku navê wî nehat hînbûn ji aliyê polîsan ve hatin kuştin. Şahidên bûyerê dest nîşan kiribû ku tu pevçûn rû nedane.&nbsp;

	&nbsp;

	* Di 17’ê Tîrmeha 2017’an de li Taxa Gungor a Gevera Colemêrgê polîsan avêt ser mala kesê bi navê Necmettîn Fendîk û ew kuştin.&nbsp;

	&nbsp;

	* Di 21’ê Tîrmeha 2017’an de li gundê Hanê yê Dersimê ajokarê mînîbusa ku hat gulebarankirin Ercan Guneş jiyana xwe ji dest da.&nbsp;

	&nbsp;

	* Di 1’ê Tebaxa 2017’an de li Okmeydaniya Stenbolê wesayîta zirxî li zarokê kobaniyî Raşîd Oso qeliband. Oso jiyana xwe ji dest da.&nbsp;

	&nbsp;

	* Di 30’yê Îlona 2017’an de li Taxa Yeşîlova ya Erdîşa Wanê ajokarê texsiyê Zafer Ceyhan ji aliyê polîsan ve hat kuştin.&nbsp;

	&nbsp;

	* Di 10’ê Cotmeha 2017’an de welatiyên bi navê Çetîn Başer û Kerîmhan Verender bûn hedefa guleyên Qereqola Dûrakê ya li ser riya Gever-Şemzînanê ye. Di gulebaranê de Başer jiyana xwe ji dest da û Verender jî bi giranî birîndar bû.&nbsp;

	&nbsp;

	* Di 19’ê Cotmeha 2017’an de li Taxa Çalê ya Sêrtê wesayîta zirxî li Felek Batûr (6) qeliband û Batûr jiyana xwe ji dest da.&nbsp;

	&nbsp;

	* Di 19’ê Cotmeha 2017’an de li navçeya Xîzan a Bedlîsê wesayîta zirxî li Gultena Yaraşliya 55 salî qeliband. Yaraşli jiyana xwe ji dest da.&nbsp;

	&nbsp;

	* Di 5’ê Mijdara 2017’an de li ser riya Êlih-Bismilê wesayîta zirxî li wesayîteke sivîl qeliband. Di bûyerê de 3 jê leşker 5 kes birîndar bûn.&nbsp;

	&nbsp;

	* Di 5’ê Mijdara 2017’an de li Taxa Korik a Êlihê leşkerekî ku dema bi wesayîta xwe ya taybet ajotina wesayîtê hînî hevalekî xwe dikir, &nbsp;li Bûrak Îlhanê 5 salî yê li kuçeyê dilîst qeliband. Îlhan jiyana xwe ji dest da.&nbsp;

	&nbsp;

	*Di 19’ê Mijdara 2017’an li Taxa Saraya Kerborana Mêrdînê wesayîta zirxî li Fatma Nûre Dûrsûn qeliband. Dûrsûn birîndar bû.&nbsp;

	&nbsp;

	* Di 22’yê Mijdara 2017’an de li nêzî Pira Deştê ya Cizîra Şirnexê wesayîta zirxî li Rûken Cansiri ya 8 salî ya dilîst qeliband. Cansiri birîndar bû.

	&nbsp;

	* Di 24’ê Mijdara 2017’an de li gundê Hucetî yê Çinara Amedê leşkeran avêt ser malekê û li malê Cebraîl Karçi kuştin.&nbsp;

	&nbsp;

	* Di 17 Kanûna 2017'an de polîsan li taxa jêrîn a Hezexê ya Şirnexê bi wesaya sivîl li zarokê 4 salî Umut O. qeliband û ew bi giranî birîndar kir. Umut ji Hezexê sewqî nexweşxaneyek taybet a Êlihê hat kirin û li vir tê dermankirin.&nbsp;

	&nbsp;

	* Di 19'ê kanûna 2017'an de polîsan bi maşîneyê li ser rêya Zanîngeha Dîcleyê û Xaçeriya Seyrantepeyê li zarokekî 5 salî Ferhat Dalkiliç qeliband. Dalkiliç li nexweşxaneya Zanîngeha Dîcleyê jiyana xwe ji dest da.&nbsp;

	&nbsp;