
Serokên baroyan bi peyama ‘têkoşîna me wê bidome’ dawî li Nobeta Parastinê anîn

2020-07-04 09:55:05


	ENQERE – Di hevdîtina li ser teklîfa pir baroyan a di Komîsyona Edaletê ya Meclîsê de tê gengeşekirin 5 xalên ewil hatin pejirandin. Serokên baroyan ên li dijî vê guhertinê di nobeta parastinê de bûn bi peyama “ev hêj destpêk e em ê têkoşîna xwe bidomînin” çalakiya xwe bi dawî kirin.&nbsp;

	&nbsp;

	AKP û MHP ji bo guhertina qanûna parêzertiyê û guhertina pergala baroyan teklîf anîn Meclîsê. Li ser vê guhertinê di Komîsyona Edaletê ya Meclîsê de hevdîtinên lihevkirinê tên kirin. Di hevdîtinê de 5 xalên ewil ên teklîfê hatin pejirandin.&nbsp;

	&nbsp;

	Ew 5 xal wiha ne:

	&nbsp;

	* Li gorî xalên hatine pejirandin dê li heman bajarî ji baroyek zêde baro dikaribin werin damezrandin. Parêzerên bixwazin dikarin li wê baroyê endamtiya xwe çêkin.&nbsp;

	&nbsp;

	* Heke li heman bajarî ji baroyek zêdetir baro hebe, parêzerek stajyer 6 mehên dawî yê stajyera xwe dikare li gel parêzerek ku endamê baroyê ye bike.&nbsp;

	&nbsp;

	* Heke li bajarekî ji baroyek zêdetir baro hebin, ew stajyerên xwe ji bo parêzeriyê amade dikin dikarin ji bo stajê serî li baroyekê bidin.&nbsp;

	&nbsp;

	* Dema li heman bajarî ji baroyek bêtir baro hebin kaxizê danasînê dema ji bo stajiyeriyê diyar bike du parêzerên endamên wê baroyê dikarin sererast bikin.&nbsp;

	&nbsp;

	* Karûbarên wezîfedarkirina parêzerek ji bo demekê ew baroya ku endamê wê ye dikare bicih bîne. Heke parêzerek jiyana xwe ji dest bide, ji kar û pîşeya xwe were dûrkirin, karê wî/wê were qedexekirin, ji bo demkî nikaribibe kar bike, serokê/seroka wê baroyê dikare daxwaz bike ku ew dosye radestî an jî dewrî parêzerek din were kirin.&nbsp;

	&nbsp;

	NOBETA PARASTINÊ BI DAWÎ KIRIN&nbsp;

	&nbsp;

	Serokên baroyan li dijî pergala pir baroyan a ku ji aliyê AKP-MHP’ê ve pêk tê ewil li ber Meclîsê çalakî li dar xistin. Pişt re çalakiya xwe li ber Edliya Enqereyê domandin. Çalakiya nobeta parastinê ya serokên baroyan bi dawî bû. Serokên baroyan û parêzer seranserî şevê li ber edliyê stranan gotin û govend gerandin û dirûşma “parastin wê bêdeng nebe” berz kirin. Nîvê şevê parlamenterên partiyan navber dan hevdîtina teklîfê. Parêzeran jî li ber edliyê daxuyanî da.&nbsp;

	&nbsp;

	Ji parêzerên di çalakiyê de bûn parêzer Nêrgîz Tûba Aslan wiha got: “Çalakiya me li vir neqediya. Em nû dest pê dikin. Em li vir deklare dikin em ê heta dawiyê li her deverê bin û têkoşîna xwe ya ji bo parastinê bidomînin.”&nbsp;

	&nbsp;

	Serokê Baroya Enqereyê Erînç Sagkan jî wiha got: “21 sal in ez têm vê edliyê. Cihek ku min pê lê nekiribe nîne. Lê em ê dîsa li vir bin. Em ê vê têkoşînê bi hev re bidomînin.”&nbsp;

	&nbsp;

	Parêzeran bi dirûşma “ev hêj destpêk e em ê têkoşîna xwe dewam bikin” berz kirin û ji ber edliyê veqetiyan.&nbsp;

	&nbsp;