AMED – Nivîskar û siyasetmedar, dê li Amedê careke din wergera bi kurmancî ya 'Seher' a Selahattin Demirtaş îmze bikin. 

 

Ji bo wergera bi kurmancî ya pirtûka 'Seher' a namzetê HDP'ê yê Serokomariyê Selahattin Demirtaş vê hefteyê jî li Amedê çalakiya îmzekirinê tê lidarxistin. Dê tevî wergêrê 'Seher'ê nivîskar û helbestkar Rêdûr Dîjle, nivîskar û akademîsyen Selim Temo, helbestkar Berken Bereh, parlementerên HDP'ê Mithat Sancar û Feleknas Uca di 9'ê Hezîranê de li Amedê li pirtukakurdi.com'ê 'Seher'ê îmze bikin. 

 

Dê nivîskar û siyasetmedar di 9'ê Hezîranê de saet di navbera 13.00-18.00'an de 'Seher'ê îmze bikin.

 

Hefteya borî jî li Amedê bi beşdarbûyîna Parlementerê HDP'ê yê Enqereyê Sirri Sureyya Onder wergera bi kurmancî ya 'Seher'ê hatibû îmzekirin û xwînerên kurdî eleqeyeke zêde nîşanî wergera bi kurdî ya 'Seherê' dabûn.