
Rojên Wêjeya Kurdî bi dawî bû 

2019-12-30 10:06:13


	&nbsp;

	ÊLIH – Li Êlihê 2’yemîn Rojên Wêjeya Kurdî ku 5 rojan bi guhdarkirina helbestan, nîşandana fîlman û panelan hat birêvebirin bi dawî bû.&nbsp;

	&nbsp;

	Li Êlihê 2’yemîn Rojên Wêjeya Kurdî ya ji aliyê Şaredariya Êlihê, Şaxa Egîtîm Sena Êlihê, Komeleya Çand û Hunerê ya Êlihê (BART) û Komeleya Lêkolînên Ziman û Çandê ya Mereto ve 5 rojan hat birêvebirin bi dawî bû. Bernameya Rojên Wêjeyê li Navenda Çandê ya Ahmet Guneştekîn pêk hat û encama pêşbirka helbest û çîrokan a ji bo xwendekaran pêk hat hatin eşkerekirin.&nbsp;

	&nbsp;

	Hevşaredara Êlihê Songul Korkmaz, helbestvan Berken Bereh û nivîskar Selîm Temo û nivîskarên din xelata 10 xwendekarên ketin rêza ewil dan wan.&nbsp;

	&nbsp;

	‘ARMANCA ME PÊŞXISTINA ZIMANÊ KURDÎ YE’&nbsp;

	&nbsp;

	Di dawiya bernameyê de Midurê Çandê yê Şaredariya Êlihê Ahmet Ogurlu axivî û da zanîn ku piştî demek dirêj ev Rojên Wêjeya Kurdî pêk hat û bêrîkirinek di vî warî de bi dawî bû û got: “Ji niha şûnve jî daxwaza me ew e ku bêyî ku navberên dirêj bikevin navberê mihrîcan her sal bi awayek rêkûpêk bê lidarxistin. Em malovaniya her kesê ku keda wan derbas bûye dikin. Armanca me ew e em zimanê kurdî li pêş bixin û bidin jiyîn. Dê ji bo vê pêşketinê jî çalakî û şahiyên me çandî û hunerî dewam bikin.”&nbsp;

	&nbsp;

	Helbestvan Berken Bereh mêvanê rûmetê yê Rojên Wêjeya Kurdî bû û roja ewil a bernameyê bi Şeva Rêzgirtinê ya ji bo Bereh hatibû lidarxistin û dest pê kiribû.

	&nbsp;

	Bername bi kişandina wêneyê komî yê Rojên Wêjeyê bi dawî bû.&nbsp;

	&nbsp;