
Belgefîlma 'Girtîgeh an jî Sirgûn’ li Bernê hat pêşandan 

2022-11-04 11:17:36


	&nbsp;

	NAVENDA NÛÇEYAN – Belgefîlma “Girtîgeh an jî Sirgûn” li bajarê Bernê yê Swîsreyê hat pêşandan.&nbsp;

	&nbsp;

	Belgefîlma “Girtîgeh an jî Sirgûn” (Gefängnis oder Exil) ku tiştên bi serê Nûrsel Aydogan a HDP’î, hevşaredarên berê Firat Anli û Zulkuf Karatekîn hatine vedibêje, &nbsp;li bajarê Bern ê Swîsreyê hat pêşandan.&nbsp;

	&nbsp;

	Derhêneriya belgefîlmê Şerîf Çîçek û produktoriya wê jî Adil Demîrcî û Onur Guler dikin. Belgefîlm, li Eywana Sînameyê ya Reithschulleyê hat pêşandan.

	&nbsp;

	Gelek kes beşdarî pêşandana belgefîlmê bûn. Piştre jî Firat Anli û Adil Demîrcî derheqê pêvajoya amadekirina belgefîlmê de axivîn. Anli, qala pêvajoya berxwedana Kobanê û operasyonên qirkirinên siyasî yên piştî wê pêvajoyê hatine kirin, kir.&nbsp;

	&nbsp;

	Pêşandan, piştî bersivandina pirsan bi dawî bû.&nbsp;

	&nbsp;

	Belgefîlm dê sibe li Zurîhê û di 18’ê mijdarê de jî li bajarê Lozanê bê pêşandan.&nbsp;

	&nbsp;